جَبَرِتّْ …
جَبَرِتّْ
جَبرِتّْ بيبان الصبر واتقفلت
شبابيك
جوه البيوت الساكن بين حشاها
الضيّْ
وانا الغريب إللي ف بلادك داق
توت الخدود اللي ماله زي
لكن حاشاكي تلبسي البواريك
وتخدعي المجنون اللي ف قبورك حي
زرعت ليكي م الورود أصناف
وانتي اللي عاشقه شوك جناين
خَيّْ
لما هديتك قلب ليكي مداس
مشيتي حافيه بين ربوع الحي
يا معششه على عش غيرك ليه
تسيبي زرعك عطشان ف وسط الري
كل الحيارى يتمنوا زيك بيت
وانتي اللي غاويه خيمه وواكلها الغيّْ
جاهل بعلمِك وروحي ليكي دليل
لوغيري جرحك أنا اللي بنطق
أَيّْ
لكن خلاص قمرك طواه الليل
قرر يهاجر يشحتله حبة ضَيّْ
كلمات الشاعرة
سارة الشاذلي
