بحر الدنيا

بحر الدنيا

،،،،

بَحر الدُّنيا دَه بَحر حَويط

يِعشَق مِن حُبّ التَّنطيط

أمّا السّالِك عَلى نِيّاتُه

واللي ف قلبُه الخير مَحطّاتُه

واللي ضَميرُه ف طُول دَقّاتُه

يِنصُر شَرُّه عليه ويُحيط

،،،،،

بَحر الدُّنيا دَه لونه غَميق

يِهوى المَكر ويِهوى الضِّيق

يعني عَشان تِقدَر توصَّلُه

تَحت جَناحُه وتِبقى ف ضِلُّه

تِشرَب لؤمُه ياخُدك خِلُّه

تدفع يسلك اي طريق

،،،،

بَحر الدُّنيا مَلان أَسرار

مَـن يِعرَفها يِكون بَحّار

يوصَل قاعُه يِحبّ صِراعُه

يِعرَف يِغوي الناس بِخِداعُه

يِنصِب فَخّ يزيد ف نِزاعُه

يِقدَر جُوَّه يِقيد النّار

،،،،،،،

بَحر الدُّنيا دَه فيه أَصناف

مِنه الواغِش واللي نُضاف

واللي بِيِلعَب عَ الونْجين

واللى بيِرقُص ع الحبلين

عِندُه قِناع يِلبِس وِشّين

دَه بِيِرضي جَميع الأَطراف

،،،،،،،،

بالمُختَصَر البَحر دَه عاوز

حَدّ بِدَرجة مَكرِه الفايِز

قادر يِصنَع حِلمُه الجايِز

عِند الرُّؤية لِموجُه يُحايِز

عَلى بَحرها ويِكون المايِز

وقت الجَدّ لِعَقلُه يُحيط

كلمات الشاعر

سامح السبكى

Samh Elsopky