أمانة عليكى ضمينى
فى حضنك ضم..
وقوليلهم
على حكايتى
وع اللى تم..
وقوليلهم
ميكتبونيش فى أيامهم!!!
ولا كلامهم
كلام الشعرا والكتاب
مازاد غير ان همك
هم!!
بلاش دمعة عيون لشهيد
مدام عايشة فى دمعه
أهم..
متمدحنيش
مديح مدشوش
يناسب غش غربالك..
كلام موشوش، وشوش بكلام
مملح طعم موالك..
بحق الغربة فى ضلوع
اللى داب وماداب
بحق العشرة
والأصل الأصيل
غلاب
وحتى اللى كتب شخابيط
وكاتبنى فى سجل غياب
بحق الشعر لودفن القصيدة شباب
سبينى امشى وهواى نضيف
كطفل، وأم
..
وقوليلهم
ولد ثاير!
وإجرامه فى صراحة القول
وإرهابة فى بسيط جدا
لا صلى والحروف خاينة
ولا بيمدح سفير النم ..
منيش شاعر
ومقدرتش أكون شاعر
لكن حافظ حروفك صم
ولو حذفونى م التواريخ
تاريخك مبتدأ لأتم..
ولو موسى العظيم ابنك
فقلبى مازال لحبك يم…
وعارفك زى أعرافك
وكاشف كدب عرافك
ولو شاور كما الأبكم..
يا حاضنة الصبر
والملايين
باغنى غنايا من راسى
وعندى أهم..
يفور دمعى من الشرايين
واقول المعنى طوالى
صريح جدا
مليش فى الخم!!…
هوايا القمحى فى سماكى
زرعته بعزتك مؤتم..
ورامى حمولى ع المولى
وباضحك ضحكة المساكين
لكن راضى
وهوايا عنيد
واغنى ولو غنايا وحيد
بيصنع للوتر نعناع
ولو ممنوع فى ألحانك
ومرفوض
ذنب رافض تم!!!
ولو حرمونى اشم الريح
أنا النص
فى قانون الشم!!
يانغماية
فى لحن نشاز
و أرواح زيف
بتمدح كل ساعة ذم..
صاغواكى كلام
_كلام فى كلام _
وغنولك ترلم لم لم…
ياغنوايه فى سكة روح
لكن لسا مغنيتهاش
يا أحلى قصيدة جوايا
مبكتبهاش
لكن بكرة الزمن بعدى
يقول شاعر
كتب إسمة بمداد حبك
وموزنهاش بكام ولا كم…
ياقمرة كل ليل مظلوم فى أيامى
مفيش بينى وبينك خوف
ولو حد الزمن “بارليف”
أنا عابر ولا بهتم…
ولو دمعة
-تطيش ماتصيب-
أنا الحى فى ضمير الدم..
وقولة آهة لو هتصيب
فعديها فى همل مهتم..
وعدى كام شهيد ينزف
فداكى الروح
وأيامى
وكمان خالى
وجدى،وجدتى
والعم…
يا أم بدايه التواريخ
يا تغريدة على التسابيح
ويشهد كل اللى حى صحيح
ويشهد حتى أى ضريح
بأنك أم…
يا ضحكة كل ليل صافى
بيتمختر فى حضن النيل
يا صبر اللى فى عيون غايب
ياغيبة ضحكة المأتم..
يارفعة العلم والأعلام
بحبك حب ربانى
ولو حتى فى كساتك سم..
أمانة عليكى ضمينى
فى حضنك ضم
متكتبنيش فى أيامهم
ولا كلامهم
ومتدليش على رسمى
ويمكن يوم يجيب اليوم
والاقى الحل فى البراويز
وسر اللغز مفهمتوش!!
حقيقى ازاى يكون شاعر فى عصر اللم؟! ٠
كلمات الشاعر
همام ابراهيم
Discussion about this post