كل عين ف الخلق نايمه
وعينى صاحيه ع الدموع
كنت فين ياعيني هايمه
طالبه من قلبي الرجوع
شوفت نفسي نخله واقعه
بعد طرحى ما فات فروعى
ليه يا دنيا الظلم فيكى
سايد ومربع ايديه
فارد قلعه فوق كتافى
ليه يا دنيا الظلم ليه
بعد ما فرقت عشقي
ع اللى حاضر واللى غايب
كل واحد خد نصيبه
وفضلت وحدى بدون حبايب
كنت فين ياعقلى قولى
ليه تغيب وتسبنى تايهه
نفسي حد يحس بيا
نفسي قلبى يحس فرحه
هو في ف الكون دا غيرى
قلبه والع نار وساكت
في حراج ف قلوب حيارى
في دموع ف عيون كتييير
قول ياجرح ليه بتنزف
سم ناقع م الوريد
قول يادمع ليه بتكوى
خدى وكل يوم تزيد
طالبه من ربى الشهاده
طالبه صبر على الجراح
لأجل قلبي ماعدش يبكى
ع اللى فاتنى حزين وراح
كلمات الشاعرة
عزه السعدنى
Discussion about this post