بدون إنذار

طول عمري عايش مع التيار
وبسايس مركبي ومش راسي
سنين وبعافر فيها
وسلاحي إيدى وفاسي
أشوف الناس وأمشي مطنش
عايش ف سكات ومريح راسي
ناصب جوايا سيرك ليلاتي
أنام وأقوم وأصبح ناسي
ع الدكة قاعد ف الملعب
وعمرى م لعبت أساسي
والهدف الوحيد اللى أنا جيبته تسلل
وخسرت تاريخي مع كاسي
وبيهتف جمهور جوايا
لخبطلي شعوري وإحساسي
وخرجت بطردي من الملعب
وبدون إنذار طلعت روحي وأنفاسى
كلماتى:
الشاعر: حليم محمود أبوالعيلة
مصر