التجاوز إلى المحتوى
كلمات الشاعر
المهندس … إسماعيل منصور
ميت بس عامل نفسي حي …
لما كان ليا روح
كنت روحي
وكنت نبضي
لما كان للقلب نبض
كنت نور
يبدّد ظلام النّفس
يهديني الأمل
بعد ليل طويل كله يأس
.. ليه تهجر
وتهجر ليه وإنت عارف
إني بعدك ها أتوه
وأغرق في بحر خوف
عمر ما كان للأمان شط فيه
.. فاكر في مرة قلت لك
أنت عمري
وعمري ينتهي يوم تغيب
وإن زعلت مني مرّة
يصبح لون الدّنيا كئيب
.. فاكر في مرّة قلت لي
إياك تخاف
أو تفقد الأمل في بكره
طول ما أنا وياك
ودايما” في ضهرك أسندك
وأنصرك
لو حد فكّر يوم يهزمك
خلّيك شجاع
معاك سلاح
هو أنا
دائما” معاك
إياك تخاف
.. طب كنت سامح
وإغفر
لقلب مليان بالعذاب
وتهجر ليه وإنت عارف
إني بعدك ها أموت أكيد
.. يوم ما توصلك رسالتي
إعرف إنّي بأبكي
إنّي على الأرض بأمشي
وبيقول النّاس إنّي حيّ
لكن الحقيقة إنّي ميت
بس عامل نفسي حيّ
كلمات الشاعر
المهندس / إسماعيل منصور
