الوجع
.
الوجع
آه م الوجع
كل اللى شاف وجعى يقول ده منين
يا ليل يا عين على اللى جرى
على قلب شال وما اشتكى
ضحكته ماتت من كتر الأسى
وصبره فاض ومبقاش يكفيه المدى
أنا اللى اديت الناس من غير حساب
لقيت جزاتى وجع وعذاب
فتحت لهم قلبى من غير باب
ردوا الجميل بخيانة وغياب
ناس كنت أحسبها وقت الشدة سند
طلعوا أول ناس للغدر تمد
وقت المصلحة تلقاهم عدد
وقت المصيبة كله اختفى
وشوش تضحكلك وتقولك أمان
وجوا الضلوع ساكن حرمان
كلمة حلوة وراها ألف دخان
واللى يصون العِشرة
بقى فى الزمن نادر كمان
أنا مش زعلان من اللى باع
ولا من طريق فى يوم ضاع
أنا زعلان على قلبى اللى ضاع
لما صدّق ناس مالهاش أمان ولا وداع
دُقت المرار وشربت الكاس
وعرفت معدن كل الناس
فى ناس تبيعك عشان القرش
وفى ناس تبيعك عشان الغل والحقد
لكن يا ربى أنا ليا باب
بابك يا واسع من غير حساب
لو ضاقت الدنيا وزاد العذاب
رحمتك أوسع من كل الأسباب
يارب اكفينى شر كل غدار
وابعد عن دربى كل مكار
واجبر قلب عاش طول النهار
شايل همومه وساكت محتار
وارزقنى صاحب وقت الانكسار
يكون للروح ستر ودار
ما يبيع عشرة ولا ينسى جار
ولا يتغير لو الزمن جار
بكرة ربنا يبدل الحال بحالين
يا رب افتح لنا باب الرزق
وامسح من القلب نار الحرق
خلّى خطاوينا تمشى فى حق
وبعد التعب ييجى الفرج ويحق
وإن كان نصيبى في الدنيا اختبار
أنا راضى بحكمك يا ستار
بس اجبر خاطر عبد محتار
وخلى آخر مشواره فرحة وانتصار
اللى له رب كريم
عمره ما يبات حزين
الحن طليس
رفعت للتصميم
