الحب بيفرد ساعه الجد …
كلمات الشاعرة
هاله جاب الله
الحب بيفرد ساعه الجد
شراع
وسواقى
ومطره
وحضن وشجره وبيت
ويفرد بجناحه براح
ونايات مشتاقه
لسحر الحزن
ولغه الاه
والصوره بتعكس ضي الكون
ف جنون وحنين
وان غاب الفرح
بنلاقي قصايد مد الشوف
بتغطي الجرح
أوقات الحزن
هيعدى ملائكه
وتمسح دمعه مخاصمه خدود
و يخلوا الشوق
تنهيد ممدود
ونجوم الليل
يجيبوها شهود
ويزرعوا على باب الجنه ورود
تشهد ع الحب
اوقات
الدوشه بيخرج منها سكات
والفرح ببطرح لحظه اهات
والعشق بتبقى نهايته فراق
وبرغم ده كله
لساك بتعافر
تفضل واحد م العشاق
كلمات الشاعرة
هاله جاب الله
رفعت للتصميم
