يابلاش …

كلمات الشاعر 

عبدالرحيم فارس

يابلاش  …

قلب ارخص م القماش !!

بس نٓفعنا النهارده 

قلب فيه أحاسيسه بارده 

“حاسس ان الدنيا فارده”

والتعب ضلل عليه 

خد يابيه ؛

خد ياااخويا ؛

قلب داهن وش (بويا)

يرحمك ديما ياابويا

قاللى قفل ع اللى باقى ؛

واللى فاكرينك بواقى ؛

جوه منك تبنى دوله 

“وانت اولٓى بالتلاقى “

والقدر لو خدله جوله

اوعى تبقالهم سواقى !!

قالها 

ابويا

” لكنه مات” 

والنهارده السوق تلات 

جيت وعارض قلبى ليكم 

حد فيكم قال امين 

قلب ارخص م السنين 

والسنين ارخص تٓملى 

حد فيكم راح يعلى 

والتمن مش كله كاش !!

يـــابلاش

كلمات الشاعر 

عبدالرحيم فارس