………(مسافر)…….
******
قابلت الحب وعرفته
وعشت معاه
ونبض القلب له معني
وانا وياه
وباب الفرحة مفتوح لي
وناداني
بلهفة شوق ونور ابيض
منور لي
عشقت النور وأنا جانبه
وعاهدته
على الفرحة على البسمة
أعيش عمري
ياسابح جوه في خيالي
طالع لي منين
يازارع في الحنين وردة
بعمر سنين
مشاغل في الغرام فكري
وتنهيدي
منور في الوجود عمري
وأنا خايف
من الحرمان من الفرقة
وأنا شايل
على دراعي على كتفي
مصير قلبي
في لحظة كل شيء سافر
في لحظة كل شيء هاجر
مسافر والهوي سايبه
سايبني لمين
وناسي إن فيه بسمة
وخدها معاه
تنور لي طريق عمري
وأنا سارح
وأنا سابح في عمر جديد
ملوش اخر
نهاري ضباب من الوحدة
وليلي سهاد من الفرقة
وعمري شراع فوق مركب
بيتهادى على الميه
وربانه معاه فكري
معاه من عمري ما يكفي
أمانة يا مينا يا مقابله
حبيب العمر
بحنية بصدر براح
بعطف الأم
تشيلي من العذاب جانب
تحافظي عليه
حرام العمر ما يصدق
يلاقي البر
أنا م الصبر بتشكل
عجينة شوق
ومستني بعيون خايفه
من المجهول
أناجي في الغرام وحدي
بأطلالي أعيش عمري
لحد الروح ما تعود لي
*****
كلمات الشاعر / أحمد العدل
الشاعر أحمد العدل يكتب مسافر
Discussion about this post