…*( الغريق )*…
كلمات الشاعر
اسماعيل عبدالهادي
تايه في بحر الهوى
مش لاقي مجدافي
وشراع كمان مكسور
وليل طويل قاسي
لا شط ارسا عليه
ولا لاقي حضن دافي
واللي شغلني نساني
غرقان … في أحزاني
ياهل الغرام دلوني
ازاي تنام العين
والقلب منه اشتكي
والجرح زاد أنين
تايه في بحر ملاوعه
واللي هجرني فين ؟
فاتني محتار ف غرامي
وغاب سنه واتنين
خلاني اسهر ما انامشي
وحرمني منابي ف حبه
وجرحني وعذب قلبي
وزاد من هجره وبعده
غرقني ف بحر هواه
وحرمني اتهنا بقربه
وليلي مهما ……. طال
ح استني يهل بدره
***********
كلمات الشاعر
اسماعيل عبدالهادي
