أغْلَى النَّاسْ

أغْلَى النَّاسْ…

اعْزِفْ عَلَى وَتَرْ قَلْبِي وُ رُوحِي رَدِّدْ حْكَايَةْ هَمْسِنَا يَا أَغْلَى النَّاسْ

إِنْتَ النَّغَمْ و القِيثَارْ تِبْرِي جْرُوحِي بِينْ ضْلُوعِي مَسْكَنَهْ أَرْوَعْ احْسَاسْ

اعْزِفْ خَلِّي مْعَاكْ نِحْلِمْ و نْطِيرْ نِفْرَحْ و لَا مَا يْهِمْنِي آشْ بَاشْ يْصِيرْ

وِ مَا نْخَافْ مْلَامَاتْ لَا كْبِيرْ و لَا صْغِيرْ مَا دَامْ إِنْتَ مْعَايَا تَدْبِيرْ التّفْكِيرْ

+ + +

اعْزِفْ لِيَّ و قُولِّي أَحْلَى الكَلَامْ غَذِّي رُوحِي غَذِّي مَا يِهِمِّكْشِ مْلَامْ

حُبِّنَا حُبْ حَقِيقَهْ مَا هُوشِ أحْلَامْ بصِدْقْ الأَحَاسِيسْ لَا هُو فِي أَفْلَامْ

تْسِيلْ عَلِيهْ مْحَابِرْ تْفِيضْ مْعَاهْ أَقْلَامْ فِي مَجْرَى التَّارِيخْ عَامْ يَحْكِي لأَعْوَامْ

+ + +

اعْزِفْ لِي يَا رُوحِي و آنَا بِيكْ نْغَنِّي و الرُّوحْ الوَلْهَانَهْ أشْكُونْ أَسْعَدْ مِنِّي

فِي بَالِي مِرْتَاحْ و القَلْبْ المِتْهَنِّي الحْلُوَّهْ فِي اللَّلَّاتْ صْغِيرَهْ و غَارَتْ مِنِّي

اعْزِفْ خَلِّي النَبْضَاتْ فِي قَلْبِي تِتْرَاقِصْ مَا دَامْ إِنْتَ فِيَّ شَيْ مَا عِنْدِي نَاقِصْ

ابتسام عبد الرّحمن الخميري

تونس

رفعت للتصميم