تعرف إيه عن قلب آمنلك
تعرف إيه عن قلب آمنلك
لما آمنلك ضحيت بيه
تعرف إيه عن حد احتاجلك
لما احتاجلك دوست عليه
تعرف إيه عن وجع القلب
لما تلاقى الحب ده ذنب
لما تعيش فى البعد تغرب
وتحس بضعفك وتداريه
أنا آمنتك واديتك حب
ألف غيرك كان يتمناه
وانت اديتنى درس لعمرى
عمرى فى حياتى ما هنساه
أدينى مشيت مجروح مش جارح
ولو ع الجرح هيعدى وأسامح
ولو ع الذكرى وع الأيام
هفاوض قلبى وأتصالح
ونسيب الوقت يبين لينا
مين فينا كان فعلا غلطان
ومين اللى قسى على التانى
ومين مجروح ومين جارح
خلاص الحكايات قفلناها
وقلبى خلاص فوقته من الوهم
كل الوعود اللى وعدتها لى
طلعت فى النهاية مجرد سهم
سهم وجعنى بس قوانى
وعلمنى ما آمنش لوعودك
أنا هبدأ من تانى حياتى
وهلغى من الدفاتر وجودك
وفر عتابك ووفر لومك
مبقاش فى قلبى مكان لعذاب
أنا قفلت الباب وراك خلاص
وما بفتحش للماضى كتاب
بكرة تدور الأيام وتجرب
نفس الوجع اللى أنا دوقته
وتعرف إن الله حق وتندم
على كل وقت معاك أنا عشته
الحن طليس
