بيواعدني تاني بكرة …

    كلمات الشاعرة 

عزة أحمدابوزيد ابوزيد

بيواعدني تاني بكرة 

وليه عايزني اصدقه

قلبي بالنسبه له ذكرى 

من دموعها تحرقه

قلبي كان له كل حاجه 

بسمه حلوه وشوق زياده 

بس لما باكون معاه 

 يشتكي الشوق اللي بينا 

لما ابعد تاني عنه 

ينسي كل حاجه ليه 

إن انا الروح اللي منه 

اتولد ما بين ايديه

مش هصدق قلبي تاني 

 بعدت عنك وانتهيت

وانت دلوقتى إترميت 

اى قلب تعلقك

يالا ابعد وانسي يمكن

حد غيرى يسمعك

بس قولي يا حبيبي

حد غيري يصدقك

لو تشوف بعنيك حقيقتك

حتي نفسك تكرهك

يبقي مين راح يعشقك

      كلمات الشاعرة 

عزة أحمدابوزيد ابوزيد