رحمة وترابط

الشاعر
نشأت سرحان الحصري

أمرآة تنعي همها
فأي ظلم
ياللي عدي العمر معاك
دا كله راح فين . تعب وشقي وأهات
. وليل وشجن
زمن ومر . بحلو ومر
وتيجي تقلي أتجوز

ماخلاص العمر راح
ياما كنت تنام . وأصحي جنبك ولانام
. ومن تعبك أنا بتآلم
ياما كنت بتاكل . وحضر كل اللي تتمناه . بشوفك أنا أشبع
واديتك كل اللي في ايديه
ومن غير ماتكلم
وتيجي تقلي أتجوز

ياما كنت أشيل همك . وأسهر ليالي . علشان في نهاري أفضالك
ياما كنت أستني . دخلتك وضحتك وعنيا في عنيك تتملي
وأحضر ليك لقمتك وهدمتك
علشان تعيش وتتهني
لما تغضب تنسي كله دا
وتيجي تقلي اتجوز
ليه بتغفل عن طريق الأمل
اللي رسمناه
اللي كان كله جهد وعمل
الحياة الزوجية سكن
ورحمة وترابط .