مُرهَقة

د/ فاطمة جعفر

أنا مُرْهَقة
ملِّيت مِعافرة ..
مابقاش في عندي :
أي رغبة
للمحايلة
والتمسُّك بالبقاء
ولا حبَّة يوم
يوصلْني منَّك
شيئ ملطَّخ بالرجاء
ملِّيت ..
ثباتي الـ مُش حقيقي
صمتي
عن شكوى وأذى بْسيف الحياء
أو صبر مسجور ..
كاتمة لحظة إنفجاره
بالْـ مافيش
أو بالْـ تمام
بالْـ مُش مهم
والَّلا عليك
إييييييييييييه
إيه ياحياة متبرمجة ؟!!
طفياني ..
إمتى تطْلقي ضيِّي.
كام عمر لازم أدفعه
علشان أعيش زيِّي ..؟!!

من ديوان “الأُخرى”