محتاجه أشوفك

بقلم أ/نسمات السيسى

محتاجه أشوفك علشان اقولك
كلامك كله عايش فى بالى
مهما احاول ابعد صورتك
مش راضيه تفارق خيالى
خلينى احكى عن حنينى
محتاجه اشوفك ولو ثوانى
نفسى أدخل جوه قلبك
محتاجه اسأله كام سؤال
ازاى تقولى انى بحبك
وازاى سلكت طريق محال
ازاى حالى مجاش فى بالك
إزاى موجعكش الغياب
إزاى انا ليك ديما.. أقرب
الاقيك بتبنى مليوون جدار
لو كان قلبك فى مره حب
مكنش اخد بهجرك قرار
لا انا مش هقول مشتاقه
ولا هيقتلنى الحنين
ارجوك لو كان ده قرارك
عيش عليه طول السنين
قلبى انت خلاص وجعته
فبلاش تقتلنى مرتين
من حقى احس انك شارى
زى ما قلبى عاشق ليك
ولو قلبك قال انه بايع
قلبى حالا هيكون ناسيك
لو يوم إتأثرت بحالى
حالى زمانى مكلف بيه
هعتبره زى جراح الدنيا
مهو ياما طيبلى جروح قبليه
كل الناس بتشكى زمانها
وانا زمانى بتغزل فيه