سورة الكمد

بانتع في حمل الشعر بالنبض الجريح

وارسم بساط للضل على لحني

الصبوح

وحبيبتي كيفها تحط قلبي ف فرنها

وحنيني ني ف جوا منه تحروّقه

وجوارحي تترجىٰ الحميّة تكون وسيط

بين عيني اللي بستهجىٰ ف ننها

وِرد الدموع

وما بين ضناها اللي انفرد

على حتى نيلي في الوريد

يا ورد والروح قرّبت قوي تستوي

على جدر أحزان الوتر على كل عود

قيّالتُه حرماه م الصلا بصوت النايات

والجهل فارد قَلعُه على قمح المدى

والأمنيات الرِي وهديل الحمام

في بناني ترتيل الكيان

سورة الكمد ..

للحلم يكبر في عيون ست البلاد

ينحظ في جبينها النشيد

بحروف قصيدتي اللي السما

بتحبها,

والفجر والنور والندىٰ

مع كل بدرية رؤىٰ

منّي لوصولها لسلسبيل

ملكوت ومبدور بالمدد

كلمات الشاعر

حمدان حلمي