طلاسم نعش …

بقلم الشاعر …  عباس ابو عادلے

طلاسم نعش …

مرَّات الحزن 

بس ينبچي ما ينحچي

دموع وسوالف طبگ والصمت مفتاح

ومرات مظلومك 

مُحِب .. بـس مااا درى

دمعات وتصبهن جمر يتصورك تمساح

تدري الوجع .؟ والألم 

.. من يعصر بروحي ؟؟

أصـرخ بوجـه النفس واهـدرها بـ نياح

المطلوب .. والمشتهي

بظنونه لو خاب الأمل

ميت .. سـريـرة وعلن مكسور الجناح

يااا صفنة المحتضر

وينازع بتالي النفِس

يشهـگ دمعتـه غفُـل 

بـ عطور تالي الذكرى

ويسلّهم عيونه بحلم

أنوار .. بطيافه ولون

يتحقق بـ موته الألـم 

وتبدي مراسيم النعش 

.. قداح .. نثر الأفـراح. 

..

.بقلم الشاعر …  عباس ابو عادلے

. ےالعــ🇮🇶ــراقےے