هتحب تاني ؟؟

مفتكرش أقدر أعيش نفس…. الوجع

القلب داب وسط الهموم

والحزن فيه علم عليه أصبح .مشبع بالبقع

ومفيش مفر من… الألم

ولا وقت باقي في عمرى أنا

غير وقت بس… للندم

والله كنت أقرب ماليها

وكنت اصحي الشمس بدري

علشان تنور الطريق وتشوف عينيها

أنا اللى بعت دنيتي وهجرت خطوات سكتي

وسلكت أشرس الطرق علشان يا دوب أوصل إليها

وكنت أجري كتير وأمد وأول ممديت ليها أيدي عشان تشد

فلتت أيديها

فوقعت من حضن السما ع الأرض

والشوك ملأ قلبي الوفي وقتل هناك الورد

ودعت أحضان الدفي والنور على عيوني اختفى

وخطفني فجاءه البرد

أنا اللى حبيت وانتهيت وبنيت لي جوه الحزن بيت

والنار بتولع جوه مني من غير ولا قنديل وزيت

أنا اللى حطمني الهو قلبي انكوي

والدمع مع مر الغياب بيشقوا في خدودي سوا

أنا اللى قبل ما أحبها كنت طبيبها وكنت بديها الدواء

فالحب أصبح هو قبري في الحياة

والزائرين للقبر دائماً

ذكرياتي وحكياتي سنين معاه

وإن يوم يمر عليا وقت يكون جميل

أحزن في صمت وقلبي يتنهد ب آه

فادعولي جايز ربنا يقبل بدعوات الغريب

مع أني بحزن لما تيجي الدعوه منكم

ومجتش من أقرب قريب

ويارب ما يصادف قلوبكم هجر أبدا من حبيب

كلمات الشاعر

حمادة عركز