هانسحب كده من لساني
وارسم اللي خيالي شافه
واكتب الأوهام حقيقه
الزمن هادد كتافه
كل حلم حلمته فيكي
كان مجرد حلم يعني
مش أوامر عسكريه
إنتي كنتي بتغري فيا
بالعقال والشكمجيه
بس كان جواكي يعني
عطف على حبة حنان
ليه بقيتي قاسيه خالص
ضهري فيه كام ضلع مالص
والفقير مالهوش بوالص
والركب ماعادتش جامده
بس شايفك واقفه صامده
شاكره حامده
لسه باقيه ع المعاهده
أوعدك مش راح اسيبك
واخطفك من ماحسيبك
والعيار اللي عشانك
صدري أولى ..
أن يصيبك
كلمات الشاعر
السيد عبدالفتاح
هانسحب كده من لساني
مجلة ثقافية اجتماعية فكرية لا تتوخى الربح ، وتهدف لرفع مستوى الانسان بشكل عام وتمتين الصلات بين المثقفين ، ودعم الطاقة الشابة الناشطة في الشأن الاجتماعي .
Discussion about this post