خطّيتْ_خُطْوَه_وخَطّيتْ

خطّيتْ_خُطْوَه_وخَطّيتْ…

بْعيدْ عَنّكْ خَطّيتْ
وَوْقفتْ مسْتَنّي….
كيفْ أَدَاري ياَ مْفَارْقَهْ
ليلي وْهَمّي…..

خَطّيتْ خَطْوَهْ
قٌدَّامْ دَارْهَا متْعَدّي
تْوَشْويشَهْ دَخْلتْ
مْسَامْعي وٌوْذَاني
ياَ لندَرَا وَاشْ
تْقٌولْ فيَّا…..

حَبيتْ نَسْمَعْ المَقْصٌودْ
وْمَا فْهمتْ منٌّو مَعْنىَ

كاَنتْ هَمْسَهْ…..
مَعْزٌوفَهْ عَالأوْتاَرْ
وْتاَهتْ مْعَاهاَ اشْجَاني
وْهَزّتْ الرّيحْ رَاسْهَا
وٌوقْفتْ بجْوَاري

قٌلْتلْهَا :إذاَ سْمَعْتي عَنّي
ماَ لاَ يْسٌرّكْ صَارْحيني
سْمَعْتيشْ مرَّهْ هنْتكْ
حَدّثيني ياَ وَرْدْ قلبي
نَسْماتْ شَوْقْ
متْهَاوْيَهْ عَلَى وَجْنَاتكْ
خَلّيني نٌقْربكْ
ونْزيدْ نَسْمعْ هَمْسَكْ…

نَارِي لِهيبَهْ وأَنْتِ لاَ تَهْتَمّي
يخَلٌيكْ ليَا يَا سمْحَةِ التَّبْسيمَه….

كلمات الشاعرة ✍
عائشة ساكرى

Aicha Sekri