حبك طوفان نوحى ….
بوٓش جليد قلبى ….
خضّر خدود أرضى ….
صحى الوجود فيا …
بدد غيوم ليلى ….
طبطب على جروحى…
صحالى ألف نهار….
زارنى ف مزار ومزار …
حبك لهيب جبار….
علمنى اشوف القمر
ضاحك ف غيم ليلى
بعد أما كان القمر …
دمعة سهر عينى…
حبك محيط طيب…
دفا غصون روحى
حبك طوفان نوحى…
وانا اللى ف اللجة
حمامه شايله الريش
طايرة على الجودى
زمنى جديد لكن
طوفانى ف وريدى
نوحى الزمان والروح
صوتى خضار بيبوح
للغصن والزيتون
صوتى هديل طاير
سلام ف رحلة نوح
كلمات الشاعرة
ايزيس غانم
Discussion about this post