حلمي الجميل مابدأش …

كلمات الشاعرة 

هيومة حمزة

حلمي الجميل مابدأش 

……….. …..

ولما بانام منيش باحلم 

معادش الحلم يغرينى

مفيش ف الحلم أيها شيء 

يدفينى

خلاص مش عاوزة أشوف أحلام

لكن والله نفسي أنام 

وأنا متصالحة مع عينى

بقالي سنين مش لقياني 

ولا في راحه في الأحلام …..تغريني

ولما بنام :

ب أنام مخصوص عشان أحلم

وأشوفك جوة أحلامي

ولما أصحي ومش ب الآقيك

باغمض عيني من تاني

وأقول يا نفسي ماتنامي

أكيد لسانا مغفلناش

ولسه الطيف هناك وما جاش

أكيد حيزورني في منامي

واتمني

أشوفك يوم في احلامي 

وأتهنى

بشوف في الحلم ناس تانيه 

وليه ياحبيبي مش منهم

وناس فارده ستايرها

وبتداري عمايلها..وبتخبيك

وتفرد لي في لحظه إيديك

ولا أطولها

وأسالهم علي طيفك … يجاوبوني بقسوة بوح

حبيبك شاغله ناس تانيه

ولا أصدقش !!

وأقول حلمي الجميل مابدأش

يعاودني الحنين للنوم

وفي الجفنين قلق وغيوم

وأقول يمكن 

يحن الحلم من تاني

وأشوفك لحظه في منامي

ف أغمض عيني من تاني

وأنام مخصوص عشان احلم 

وأشوفك جوة أحلامي…

كلمات الشاعرة 

هيومة حمزة

باكينام حمزه