يا ولد — أبوي .. بقلم الشاعرة جيهان أحمد النجار

يااااا….. ولد اپوي
بالصعيدي وبالجرجي
عاوزه اقولك حاجة خاصة…..
خاصة جداً
بس مش لاقية المعاني والكلام
عاجزة اعبر عن حواسي…
قلت احبك زى كل الناس ماحبت والسلام
والنبي ياض يابن عمي
ياللي قلبك قلب أمي..
قلب مبيعرفش عني غير مبارة في النهائي
والخصام
كل مادا
باحبك اكتر…
بابقى جاهلة
وحبنا ناقص علام
عاوزة اروح آخر المشاعر…
اشوف هناك الساعة كام…..
عاوزة حاجة مش عادية…
عاوزة روح اطول شوية……
عاوزة تبقى انت القضية والبراءة والاتهام…….
يابن عمي …ياللي دمك هوه دمي
ياللي فيك الأقصى موته
وقبة الصخرة القيام
ياللي فيك الحب طاعة…
والمشاعر لو تأذن
كلها تنوي الجماعة والسلام……
يابن عمي…..
في كل حتة ع الخريطة
ياللي أحلامك محيطة بالغرام
افتكرني. واوعى تنسى ان بيننا فيه رباط
من شمال شرق المحبة القاهرة…
للشمال الغربي
للشوق فى الرباط
القمر نازل عياط……
دمي….
سايل يابن عمي
والحياة واخدة في طريقها للممات
ياض….. باحبك وإلا بيننا حاجة تسوى
إلا بيننا يابن عمي أمنيات ..أغنيات..
والشهادة والصلاة
اللي بيننا ياحبيب اختك…… حياة.