الروح معاكي
شاري بحياتي دنيتك
مشتاق لحضنك والحنين
ياللي اتخلق من ضحكتك
ضوء القمر فرح السنين
مكتوب عليا أعشقك
تغرق عيوني واغرقك
من بين ظنوني تتولد
ضحكة شفايفي تخلقك
كوني كحبات المطر
كوني الدعا وقت السحر
كوني السكن وقت الخطر
كوني الدفا وقت السقيع
كوني الربيع المنتظر
يا كون بياخد خطوتي لأبعد مدى
إنتي النهار اللي اتبدر جوا العيون
نبضك ف قلبي المبتدا
صوتك بيندهني أكون
ياورده عاشقه للندا
ياسحر دايب ف العيون
تاهت خلاص كل الظنون
خدني الجنون
بحر عنيكي أنا باعشقه
وغرقت فيه
وحلفت إني اغرقه
من شوقي ليه
واربي الرموش
إوعي تداري سحرهم
مين اللي يقدر يوم يحوش
لو يوم غرقت ف بحرهم
بانده عليكي تسمعي
جوا عيوني اتطلعي
جوايا هلي وفرعي
يانبته فيا من سنين
يا حلم عمر حلمت بيه
يا نبض عاش فيا دفين
الروح معاكي ياحبى ليه
جوايا حاسك روح ودين
كلمات الشاعر / نسيم الزراع
Discussion about this post