كلمات الشاعر 

سامح السبكى

قولت ممكن بس لكن 

معتقدش ف يوم يبيعني

قلبه كان جوايا ساكن

نني عينه في حضن جفني

مفتكرش ف يوم يفكر

 أنه يجرح ولا يغدر

ولا يقدر حتى يهجر

اللي بيني وبينه أكتر

من مجرد قلب نابض

ولا مشهد فيلم غامض

قصة م العشق الفريد 

كل يوم احساس جديد

دمه سايل في الوريد

يعني مش ممكن يخوني

غصب عني قالقني خوفي

كاوية نار الشوق وتيني

قربه مني بيحيي روحي

ضمة بتطيب جروحي

قلبي يرقص بين ضلوعي

يعكس الفرحة لملامحي

رعشة تملك كل جسمي

فرحي يبقى بجد رسمي

مش تصنع في إبتسامة

زي حالي وهو غايب

بسمة طارحة في وش خايب

كسرة جوا ف قلب دايب

حتى نفسي بيبقى خايف

ريقي ناشف في الشفايف

زي طير مشتاق لطيره

عشه متهدد مصيره

اما يرجع يوم وليفه

أو يتوه من خط سيره

هو دا الإحساس ولكن

حبه لسة ف قلبي ساكن

كلمات الشاعر 

سامح السبكى

Samh Elsopky