بقلم الشاعر… الحن_طليس

الوجع …

آه م الوجع

الوجع فيكى كتر 

ومن كتره بالزوفه 

ومعاه كتير الوجع

ولاحد بيشوفه

أنا مش نبى اصطبر

ياليت أكون ايوب 

اصبر طوال الزمن

سنين كتير وشهور

سارح فى ملك الله

والقلب كله هموم

لاجيت فى يوم أشتكى

ولاحتى عتبى ولوم

الصبر منى اشتكى

ومبقيتش قادر اقوم

الضهر منى إنحنى

 وأنا لسه داير دور

مسحت فيه دمعتي

وبخبي دمعي شهور

ورسمت ضى القمر

وكتبت بيه بختي

مرمى فى بحر الوجع

وصراخي فيه مكتوم

مالى قلبى الألم 

ويطلع له كام مليون

دموعي على خدي انا

واضحك وأنا المجروح

مهما الوقت عدى

بخبى حروف وجعى

وادارى ورا الأيام

قلبى البرئ محروم

من الضحكة والفرحه 

كتير القلب متحمل

طريق ضلمه عليه مجبور

تملى تايه جوايا

تملى تايه من نفسى

وأواسى روحى 

صباحى وأمسى

وأصبر نفسى أنا بنفسى

وأقول راح يجى يوم معلوم

كل الهموم تنجلى

 مهما يزيد الكوم

والصبح جاى بمطر

وسط السحاب والغيوم

من بعد كسر ووجع

راح يجى يوم وأفوق

وألاقى يوم فرحتى

وتشوف عيونى النوم

بقلم الشاعر… الحن_طليس