في ذكري زعل بينا

شعر … احمد المرشدي
كلمتين …
كلمتين اتقالوا
يمكن في لحظة غضب
لكن اصابوا
القلب في مقتل
بيتنازع ما بين
الروح والوجدان
وحولوا حالي
من البسمه
لعالم كله
من الاحزان
موش عارف
يمكن يومين و انسي
والا الجرح هاينزف
والا يمكن هايتداوي
مع الايام
فيه كلام بيخلينا
طايرين من الفرحه
وكلمه بتغرقنا
في بحر
من الاحزان
هي الصداقة
في يوم ممكن تتغير
والا انا عايش
في عالم
من الاوهام
وليه في لحظه
يضيع كل
اللي مابينا
ونبقي يادوب معارف
او حتي يمكن
بقينا اغراب
و نسينا كل
اللي كان بينا
بعد ماكان
الكل حاسدينا
وبيقولوا علينا
أننا كنا
أعز اصحاب

شعر : احمد المرشدي