ذنبي ايه

**********

كلمات الشاعرة 

حنان محمد الحسيني

هو أنتي فاكرة حتقدري

قلبي تاني تعيشي فيه

على كل حال أطمني

قلبي مات صعب تلاقيه

كل لحظة عشت ليكي 

روحي كانت بين اديكي

بعت عمري واشتريتك

ذنب قلبي معاكي إيه؟؟! 

السنين فاتت وعدت

والمشاعر عندي صدت

ياما روحك فيا هدت

راجعة بالماضي تعيديه

روحي يلا وفارقي عيني

جايه ليه وعلى إيه تلوميني؟؟! 

كنت محتاج كلمة منك

كنت عايزة اعملك ايه؟؟! 

عشت جرحي لنفسي ابقي

الليالي لمين بتبقي

كله باقي وانتي لأه

ايه اللي خدته أندم عليه؟؟!

      كلمات الشاعرة 

حنان محمد الحسيني