كلمات الشاعرة
شيماء ابوسمرة
بعد المعاصى المهلكات فى عيونك السمرا
بعد الوداد مااتخنق من كتر
خوفى عليك
ومعزة الاوليا عايشة الضلوع
ترضيك
رغم اجتناب الذنب فى الحضرة
رغم امتثال الادب والعفة اه حاضرة
القى الحياء اتكشف من صوتى
يندهلك
اغلى الحبايب وقف على سكتك
مرهون
من فينا بس اتكسف وقت اما يشتاقلك
عقلى وحضنك سوا
بس الغرام مسجون
ياربى عاشقة عيون بتمدلى القوة
رغم البعاد بسنين
مكتوب الين حجر لجل العشم كاشش
من صنف بنى آدمين
معقول اصاحب وجع والضحكة عاملة
البدع والغمازات دافيين
ملعوبة مد وجزر مش رد فعل العصر
محنى عشان الليل
ولا لف كوكب عكس عقرب ساعات الكون
كل الغرام مدفون فى الارض من مدة
والنسوة ليه عدة
كام فتوى تسمحلى بالصبر وقت
الزاد
باانى اتقلب للقمر لو بس بينا معاد
والعمر لو يتعاد….ارجع جدور الارض
وابقالك الوردة
واتمنى تقطفنى
واحلم ببحر وسما و حصان بدون فارس
يكفى سمار العين من نظرة يخطفنى
ههرب لعينك ذنب
وارجع لرمشك اتوب
كلمات الشاعرة
شيماء ابوسمرة
Shaymaa Abosamra
Discussion about this post