محتاجالك…

       ،،،،،،،،،،،،،،،،،،،،،،،،،،

كلمات الشاعرة 

  سناء البنا

إنت عارف أدِّ ايه محتاجه ليك

إنت عارف أدِّ ايه قلبي شاريك

يبقى ليه البعد ده

يبقى ليه تعند كده

إرحم القلب اللي داب م الشوق إليك

إرحم العين اللي ملانة بالدموع

ليه قرارك زي الموت مالوش رجوع

ليَّا حق في الاختيار

ليه سايبني للدمار

رافضة تنهي حياتي كلمة كانت أو قرار

لسه قلبي حبيبي ليك

لسه مختارك شاريك

ليه تبيع وانا روحي فيك

وحتى شوقي وحبي ليك..

م النهاردة هان عليك..

حتى قلبك لو بايعني..

أخسر الكون واشتريك…

بس بعد ما خُنت عهدي.. 

عادي هابعد…

وعد مني…

 وإنت عارف إني مش ب ارجع في وعدي…

مش هـ افكر فيك ثواني…

قولتها وبقولها تاني…

مش هـ اعاني..

وِإحسب الأيام ما بينا…

مهما تبعد أو تعدي…

بس قبل ماتنوي تمشي..

خد تعالى..

لسه عندي ليك رسالة..

إنت خليتني في حالة..

صعبة جدا واستحالة…

في يوم اسامحك.. 

مش هقولك تاني إرجع …

مش هقول الله يسامحك…

حاجة واحدة هقولها ليك…

روح يا شيخ الله يجازيك.

                     …… 

كلمات الشاعرة 

  سناء البنا