كلمات الشاعرة
شيماء ابوسمرة
سكنت كتير فى اوجاعى
و سبت دراعى بيطبطب
ضربت فقلبى دون داعى
وقالوا الناس عليه طيب
ياحلو مالينى يتعيب
و يتعلم بكسرة ضهر
فجه وقتى اعوز القهر
واصاحب منه على طبعى
برغم الدعوة وقت الفجر
بأنى اصبر على قهرى
صبرت ونلت فشماته
نسيت الضحك من يومها
لكنى حلفت بتلاته
وقسوتهم هعوم عومها
فايه يعنى ابتسامتى تروح
وتيجى السحنة تتحدى
جرام الظلم جوه الروح
هيمسح كل من عدى
فانا اهدى فى طلة موج
وخط فى دايرة المعووج
معاهدة سلم وقت الحرب
لكنى من النهاردة هفوق
حساب الغل جوة السرب
هيبقى فى ارض ترضينى
هيسرح نص افواجهم
ونص السرب يتحايل
وارد واقول… على عينى
قلبتو الآية و سهرتوا تعدو
نجوم بتكسرنى
كفوفكو السودا بتحاوط
فى قلب الخلق..يخسرنى
ودين الله هااحررنى
وابيت نجمكو فى غيمة
واحط الكحل تلقيمة
وشاربه المر فعينيكم
هاسميكم…..بلاء مكتوب
وحتى دموعكم الزايفة
بحق الله هتمحيلى فى اى ذنوب
ماهوش مكتوب اكون قادرة
على اللى باعتنى والغادرة
لكن مكتوب اكون شاطرة فى
رد الحق لاصحابة
فى رد الضحك لشفايفى
فى رد الورد لخدودى
فى رد الغنوة حيانى عشان
يتمد يوم عودى
وهتعودى… فى نفس جميلة
ملياكى
ونفس الحب جواكى
ونفس الوش هيحلى بطعم
توبتهم الخالصة
سبب فى الدنيا بيخلى
مفيش فتفوته فى الجنة تكون
ناقصة
وانا بالفطرة انا خرسا
قصاد الدنيا والاسباب.
كلمات الشاعرة
شيماء ابوسمرة
Shaymaa Abosamra
Discussion about this post