زلزال

ــــــــــــــــــــــــــــــ

كلمات الشاعر 

تامر النقيب

يجوز الوقت عدانى

 وخد مني ولا إداني

وعمري راح على الفاضي 

ومش بحزن 

 اعز احبابي ينساني

بكون مظلوم ومش جاني 

يزيدوا فيا أحزانى 

كتير جدا 

كتير بعمل فيها مبسوط 

لكني في كل لحظه بموت

وجرحي مقاسي بالمظبوط 

تمام فعلاً

عايشها تملي انا رحال

ودمعي ع الخدود ياما سال

عشان دلوقت لغه المال 

مفيش أصلاً

وبكرة يا زمنى هتجيني 

وتضحك ليا تواسيني 

وراح تمسح دموع عيني 

وتتمسكن 

هبطل أصلي طيبه خلاص

واعامل الناس بِشر الناس

مشفتش يوم أنا إخلاص

ومطمن 

انا اللي شوفت فيك الويل

وعيشت يادنيا فيك ذليل

انا زلزال هشيلك شيل

وأكون احسن

كلمات الشاعر 

تامر النقيب