عمري ما كنت خاين

بقلم دكتور … نبيل بكر

عمري ما كنت خاين
الخيانة مش طبعي
أنا لما حبيتك ..
حبيتك من قلبي
ما كدبتش عليك
وعمري

ولا قلبي يسمح لي
ولا ديني ولا حتى
بيني وبين نفسي

إزاي أخون عهد بيني
وبين ربي
أخدته على نفسي
بنفسي

بطل انت بس
كده تشوفني
وتفضل تتهمني
وانت عارفني
عمري ما اخون
ولا الخيانة طبعي

الحب خلاك مجنون
وجنونك ضمر حبي
تقول كلام غريب
وانا اسكت من غلبي

مره اسكت ومره اعدي
ومره اقول حب عمري
ومره اصرخ وانت مش
سامعني

كتير حذرتك ونهيتك
وانت ولا سامعني
مش سامع غير صوتك
و شطانك مستقصدني

سبت نفسك لظنونك
تقتل حبك في قلبي
وخليتني محتار بينك
وبين نفسي

حاولت اتحمل كمان
لكن ماقدرتش سامحني
كان جنونك فوق احتمالي

ربي شاهد إنك ظالمني
وانا مسامح وربي يعوضني
خد بالك من روحك..
برضو مهما كان انت حته
مني
صحيح احنا افترقنا
لكن حبك لسه مكلبش
جوا قلبي
واشتياقي ليك نار
بتحرقني
لكن ما بيدي حيله
لله فوضت أمري ..

بقلم دكتور … نبيل بكر