قصيدة قب الياس …

الشاعر … خالد موسى

يا قب الياس فيك السحر غنى
وعلى جدرانك تمجد عبيرو
ربوعك عز للعاشق تغنى
بايات الجمال على غديرو
ثمارك ناضجة والكل جنى
فواكه طازجة منها عصيرو
العنب والتين والتفاح عنا
براس العين والينبوع بيرو
شو ما طلبت ماكولات بنا
نؤمن مطلبو وعنا كثيرو
واذا السواح زارو ا ما ملكنا
من الاثار واستجلوا خبيرو
قلعة صامدة من يوم كنا
امارة معن مع هيبة بشيرو
وصورة حيدرة من الشمس نلنا
بطلوعا بهجة الفجر وظهورو
وسهل البقاع بغلاتو تمنى
حكم روما من حبوبو وفيرو
والفلاح في زرعو تهنا
بنحلاتو وعسلاتو و قفيرو
مناخك عذب باقي ما بيفنى
لانه الرب بارك في شهورو
وعا نبع المي والاشجار غنى
ملوك الشعر للنهر وخريرو
وينابيع المودة هون فنا
ومن عنا الضياع بيستعيرو
ماعنا فرق بين احمد وحنا
تعايش واحد شهدنا حضورو
الغريب القاصد يجاور سكنا
شو بيحتاج من عنا نعيرو
سالوا الوفدو لاجل العيش معنا
كيف صاروا من الفرحة يطيرو
طيور الحب في اعلى جبلنا
تزقزق للحبايب عا صخورو
موكب حور من ستات بلدنا
تزين شارعا بوردو وعطورو
جابوا السحر من جنة عدنا
تيحلى الصيف ويشعشع بنورو
رجالك بالعلم الله وهبنا
بافكارو وتدبيرو وامورو
عطانا الرب ما عندو وتمنى
علينا نشكرو بوحدة وطنا
تا يرضى بحكمنا ويعلن سرورو

الشاعر خالد موسى