بـضـحـك …

كلمات / أيمن البكري

جربت تلاقي كل إل حواليك
مستنينلك غلطه ولو غلطت
مفيش حد هيسامحك
جربت إن أقرب ماليك
بيحط الملح علي جرحك
أنا إلي شفت ف الدنيا كتير ياما
أنا إلي عشت الحياه ف دوامه
أنا إلي علي همومي بضحك

بضحك
علي قلبي إل وجعني
ولناس خاينه رجعني
ف وقت الشده لقوني
وف شدتي أنا سابوني
ف عز ألمي وجرحي
صرخت ب أعلي صوت فيا
مالقتش حد يسمعني

بضحك
علي إل خلاني صوره
وعلقني وبروزني
وفهمني وحاسسني
إن مفيش حد عاوزني
علي الحلم إل مكملش
علي الهم إل عجزني

بضحك
علي إل الواد كان مدبوح
ومليان الأم وجروح
شايفينه شئ مالوش قيمه
حاجه مجهوله وقديمه
شاف كتير قوي منهم
وما إتخلاش ف يوم عنهم
ولا قال ياروح ما بعدك روح

بضحك
علي إل كنت فاكرها
هتسندني وتقف جانبي
ف أول فرصه بتجيلها
داست بقسوه علي قلبي
كانت ليا اكبر حلم
وأنا يدوب ب النسبالها
مجرد كومبارس ف فيلم
كنت ف عنيا شايلها
وهي سقتني العسل ب السم

بضحك
علي إل عايشها متكبر
وشايف نفسه ف العالي
وكل الناس حواليه
شئ تافه قوي وعادي
وإل فيها متكدر
ومالهش حبيب ولا غالي
سنين عدت
وضاع العمر علي الفاضي
وإل الدنيا بتعاندوا
راحت أغلي شئ عندوا
وعاش بقيت عمروا
ندمان علي الماضي

بضحك
شافوني الناس إفتكروني
بعيش أسعد أيامي وهنايا
ميعرفوش إني بضحك
عشان أخبئ الحزن إل جوايا
علي جراحي وعلي أسايا
علي همومي وعلي ديوني
بضحك عشان متنزلش
الدمعه إل ف عيوني
بضحك عشان مايبنش
عليا الحزن وأنا بتكلم
بضحك عشان مصعبش
علي حد وأنا بتألم
بضحك عشان مضعفش
بسهوله كده وأسلم
عشان كده أنا بضحك
عشان كده أنا بضحك