الكينغ يكتب … (حُبّ متاع عشرين)

لكلام هذا كلامي …
والخطّ، هذا خطّي،
متأكّد، باليقينِ
لشكون زعمه كتبته ؟!…
إسعفني، يا مُعين.

عشرين مرّة نثبّت…..
والطّيف خيال ضنين.
المكتوب طويل شويّه….
ويوفى بكلمتين.

وختم الرسالة قلبْ……
مشقوق، قطعتين.
تعبير واحد عاشق
وفي الوسط كلمتين:
(( – حبّك للممات – ))
مكتوبة بخطّ خشين.

جملة غريبة شويّة……
على شاب في العشرين.
أكيد توّه جدّة …
ومجعّدة الخدّين.

اشكوني زعمه كانت…
طويلة وإلا قصيرة…
بيضاء وإلاّ سمره ؟!
وهيّ توّه فين ؟!

د … كمال العيادي ( الكينغ )