الواد الواقف

الواد الواقف علي ناصيه شريان قلبي
الحيله اللي مفيش في وسامته..
مغرور ع الآخر بسلامته
عامل دوشه في بطين قلبي
عامل ازعاج
عامل ازمه في مرور الشريان التاجي…..واخد راحته .
.والضحكه اللي بتطلع منه
وبعلو الصوت ويا بجاحته .!!
صحت شرايين اورده نايمين
فتحت ابواب قلبي المقفول
علي وجعه النازف م الوحده
ونزيف الوحده
ده جمر و قهر
واشواق الليل لما تخيم
علي كل الأنسجة .. والشرايين
تنسج حكايات ليل للعاشقين
وانا وانت وكل آهات العمر
نتنفس وجع الوحده سكوت…
وسكوتنا بينهش في حشانا
زي السكاكين
سكاكين بتشق
جدار الروح و معاها القلب
قلبي المغلوب في رياضه الحب
محتاح كام كورس دفاع ع النفس
وازاي يمنع في دموع العين ..
مايبانش قصاد منك مسكين
وازاي يقسي علي كل الخلق
وازاي بعدك مايكونش حزين
ف اخرج من شرياني التاجي
اعمل معروف..
مليت م الخوف
القلب خلاص محتاج يرتاح
ماهو كان لك ياما امان وبر اح
كان طول الوقت مباح ومتاح
ولانك واقف ف السكه وعامل ازمه
.مش عارفه ار تاح
اخرج من قلبي وسك الباب
بطلنا نواح
واقفل ع الماضي بتفاصيله
بضبه ومفتاح ..
كلمات الشاعرة …هيومه حمزه