وانا واقف على قمةِ قلبي
وانا واقف على قمةِ قلبي فوق طرف الإحساس مشدود…
شايل من بُعدِك ومعبّي من قلبك أبو باب مردود…
ومشاعري يا دوبك على شَعره متوتّر والنار مُسّتّعرِه…
والليل والست نجاة وحليم على سهري وحرماني شهود…
………
براحتك. زي ما تحبي وحقك ماتشوفيش قلبي…
ويرجع من هناك مكسور براحتك بس انا معذور…
ومين يفهم شعور واحد خرج من ضلمة الأحزان على عنيكي اللي فيها النور…
وقابل بنت أحلامه حقيقي مش كلام ف سطور…
وشاف الجنه قدامه فكان لازم ينط السور…
فيا أجمل بنات الحور..
لا انا مغرور ولا من طبعي آلف و ادور…
وهكدب ليه.!..
وليه أصلاً أنا مخبي.!. بحبك. ما انتي تتحبي…
بُعادك أه على عيني ولو ينفع هقولك أه ملكتيني…
أخدتيني لبرجك فوق لآخر دور وسيبتيني…
حاولت ابعد لقيتني بفوق على إحساس ..
وحشتيني…
كلمات الشاعر
Abo Haggag
