سكة سفر….
سكة سفر….
سِكة سفر مليانه شوك من غير جروح
ما الجلد عتق م الجراح ما بقيتش
أنوح
ظلماني ليه يا دنيا خاليه م الحنين
وكأني حالفه لانخدع من كل روح
عشقت مره وقولتلك محتاجه أعيش
سيبتيني ليه بجناح عويل مفيهش ريش
والله لأستر دمعتي من كل آه
وارجع بفرحه مقبله من خُرم شيش
كان ذنبي ايه اني انجرح من ايد حبيب
واكدب عليا ف أوصفه وأقول طبيب
ويقولوا عاشقه ونبتها طارح يادوب
معقوله تفطم ولدها ف حضن ديب
أنا لسه حالفه لأولده راجل أصيل
تغزل عيونه حلمها ف نول طويل
علشان يقدر كسرتي في ليل صباه
ويقول لي يا ما دعوتك شايلاني شيل
كلمات الشاعرة
سارة الشاذلي
