أنا المداح
أنا المداح
وما اتعبشى
من الترحال
ودقة قلبى ع النغمة
وقولة حى
ومطلوبى ومحبوبى
فى عين الليل
يناجينى واناجيه
بقولة حى
و نارى قايده للمجموع
ما أنا رفاعى
لجام الصعب فدراعى
وعارف سكتى وداعى
أقيد الشمع بصباعى
تفوت الأيام وتعدى
وتتسجل فمكتوبى ولسة حى
ما أنا المداح ودا صوتى
حروف من نور
تلف تدور على لسانى
وتشفى بمدحى أحزانى
واطوحها فى وش الهم
وديما صرختى يا حى
بنورك هل
أنا المداح ودا كتابى
وفيه الشوق لأحبابى
واهدى الخطوة ع السكة
واسيب الدنيا فى حيرتها
بقولة حى
أداويها
تلف تدور على عتابى
وتيجى تدوب فى رحابى
وانا المداح
وما اتعبشى من الترحال
ودقة قلبى ع النغمة
وقولة حى
الحن طليس
