رجّعيني
وامسحي عني أنيني
هات ليا اللي اتسرق
وابعدي عني القلق
والكوابيس والغرق
في بحور دنيا الهبل
رجّعي ليا يقيني
واللي ضايع من سنيني
وابتسامتي واللى فات
لملميني مـ الشتات
عودي بيا للأمل
رجعيني صغير فى حضنك
لسه أحلامي بتنبض
فوق وطن لسه يغني
والحنان ساكن وريدي
جوه في قلبك آويني
رجعيني
مش هاممني أي حاجة
ولا عارف أي حاجة
نفسى أعود معرفش حاجة
غير عينيك جوه عيني
ورعشة الفرحة في قلبي
وانت بتحني لي ليلي
وفــ حكايتك خبي فيا
ولأغانيكي خوديني
رجّعيني
كلمات الشاعر
محمد جابر المتولى
