اسأل مجرب ولا تسأل طبيب
لا كل ازهري ينفع خطيب
ولا كل صيدلى وصفته بتصيب
ولا كل صاحب محتوى غرضه التهذيب
ولا كل مغنى فى بلدنا عندليب
اسأل مجرب ولا تسأل طبيب
حلف يامين يغتنى مسعور ذى الديب
عمل من علتى سبوبه وشرطوا الجيب
وروشته متروسه تدخلك فى الغيب
وإشاعة مع تحاليل وضرورى بدون تعليل
تكون عند فلان وفلان اصلهم فى المهنه
متاصلين ومتان
ولا كل ازهرى ينفع خطيب
فيهم العنترى ماشى بجوزه الطيب
وفيهم المتشدد اسلوبه فيه ترهيب
واللى دخل مجموع حظ ونصيب
واللى ملقاش موضوع ابتدأ بتأنيب
ولا كل صيدلى وصفته بتصيب
علبه دواء وسعرها مشطوب
قالى الدواء رافع وده صنف مطلوب
لا الم شافع ولا صبر نافع والعدل محجوب
قرص اسبرين ريفو وانتوسيد مطحون
وبنسلين مرهم لالتهاب العيون
والمستمع عاقل بس الكلام مجنون
ولا كل صاحب محتوى غرضه التهذيب
زى الجراد انتشر يسوقوا التفاهات
لا قراوا ولا سمعوا والفوا حكايت
كل غرضها الفانز ويجمعوا لايكات
الشهره خلاتهم مشاع والبيوت حوارات
ولا كل مغنى فى بلادنا عندليب
حفلته تبقى بالدولار ويرقص فيها ويخيب
صوت المازيكا فيها عالى والكلمه بتغيب
تلبس ببى دول وتتمرجح يا دى الكسوف والعيب
واللى طالع يقبح واللى طالع يبجح
واللى طالع ينهق على الدق والتخبيط
الكل والله محبط من الخانقه وعاوز يظبط
يدخل مسرحيه يضحك والحذن عامل عبيط
رحاب رفعت …. المستمع عاقل والكلام مجنون
