بقلم الشاعره والكاتبه … نوال حريقص
طيف الضنى ما راح من بالي …
______________________
لما ع بالي بيخطر الغالي
مابنام ليلي بشابه الملسوع
بيصير قلبي عالجمر غالي
وعالخد غصب يصب نهر دموع
بيصير طيفو يبرم قبالي
وروحي الجريحةتشد صوبو طلوع
من الشوق عم تتقطع وصالي
ويطول ليلي والقلب موجوع
بتتسابق الدمعات بعيوني
كل ما خيالو بيخطر ببالي
ت ينزلوا يصيرو يحرقوني
ياويل قلبي العمر ع حالي
بنطر لشوفو بغمض جفوني
تمنيت شوفك بدر بتلالي
باحلام يقظة كتير وعدوني
بطلعة بدر شوفو انا قبالي
يامابدمع عيني طفيت شموع
وبضل كل الليل اتحضر
وبسهرمع النجمات اتعلل
موعود قلبي بطلة الأسمر
لكن ياحسرة غاب ل مدلل
ومع كل رفة جفن بتذكر
ويعرض عبالي بليل يتسلل
ويغوص فكري بمي ل معوكر
وفيق ودمع عييني الوجه بلل
متل السواقي وسلسل الينبوع
وغمض عيوني ودوب حنية
وفتش ع غنية بديواني
وتكون للغالي كما هدية
وتفيض بالالحان اوزاني
وتعزف على الصفحات غنية
وتدوب شمعة بنار ايماني
تبكي معي ليصير صبحية
ودمعي ع خدي نار خلاني
الجرح واحد والعتب مرفوع
وهيك العمر يمضي وكلوجراح
بالقلب ورث شي الف علة
محرم عليي هالفكر يرتاح
متل ال زرع حلقو بلا غلة
لفت البيدر عاصفة ورياح
متل اللي عبى المي بالسلة
خيم بقلبي ليل ما بينزاح
استوطن بقلبي وما الو فلة
بدر الدجى هاجر ما عاد لو طلوع
