كلمات الشاعر
وائل رشوان
فـي الليل
مريض
رافض يأمن وحدته
عشمان يساعده على الفراق
والليل محافظ ع الوفاء من غير وعود
صمت الشوارع والبيوت
صوت السكوت.. همس الحارات
وشريط يعدي بـ ذكريات
وده حيلته إيه غير الحروف
يهرب إليها مـ الغَارات
الليل نهىٰ
عن جُرم كل المغريات
الليل برئ مـ الذكريات
الليل سَوي
بس الوجع زايد قوي
من جوا جوف نَصه الحزين
كان قلبه عاصي ع الورق
مدبوح بيرقص م القلق
كل أما يقلع توب حزين
بيزيد على جبينه العرق
من فوق
صراطه المستقيم
حسه العقيم
بيسيب شيطان يرفع أذان
من جوه جوف المأذنه
تراتيل جفون ناويه الهتاف
فـ الضحك خاف
الضحك أعمىٰ لحد شاف
أول طريق م الملحمة
كلمات الشاعر
وائل رشوان
Wael Rshwan
Discussion about this post