أكتوبر 13, 2024الخاطرةايه اللي حصل لك … الرئيسية رواد الأدب الخاطرة ايه اللي حصل لك … كلمات الشاعر سمير محمد محمود ايه اللي حصل لك … ايه اللي حصل لك؟ وملامح العمر عليك بانت وصبحت عجوز؟! بقى كله عشان بختك مايل ومالكش حظوظ؟! والدنيا عليك عاملة مؤامرة مع ناس اندال طب تيجي ازاي انك تخسر وقت اما تفوز؟! ….. ولا انت عشان دايما تدي وماخدتش شيء وهدوم الدنيا بقت تصغر وعليك بتضيق ولا الاحزان ليك انكتبت ومافيش افراح و ف عرف الناس كنت الجاني والكل بريء؟! ….. ليه روحت برجلك على قبرك ورفضت عزاك مع انك انت اللي قتلتك وانت اللي اذاك وانت اللي قبلت تكون رافع لليأس رايات ووهبت لغيرك خير ياما ولا حد جازاك! ….. عمال تتكلم مع نفسك وتلوم على مين؟ ماانت اللي اخترت تكون تابع للبني آدمين وف عز ماكانت بتبان لك منهم اشارات قررت تكمل وياهم ولعبت جيمين! ….. ياصديقي كلام الليل كاذب مش اخره صباح وان كنت بصدقك هتتاجر عَلِّي الارباح ووقوفك دايما ع الماضي مايجيبش حلول ولا عمر هروبك م الحاضر هيهدّي نِباح! …….. الدنيا ساعات لما بترخي بتشد كتير فنصيب اوجاعك م الدنيا مش صعب خطير مش معنى النحس اللي ملازمك انك منحوس ولا معنى ان انت تكون فارس تركب حناطير! …… ايه يعني باعوك وانت ماكنتش ابدا بتبيع ماهو كل خريف دايما يجي من بعده ربيع والضربة ان كانت بتموّت برضو هتحييك والخزي ان زادت اعداده حله التربيع! ……… مش كل الناس تشبه قلبك ولا كله ملاك شوف اي غريق انت نشلته ف البحر رماك طب امتى هتقدر تتعلم او تفهم انك غلطان ان انت سمحت لناس واطية توصل لسماك! كلمات الشاعر سمير محمد محمود المقالة السابقة شرفة النور ... المقالة التالية خدرو المجنون ...
