تَخيّلْ …
كلمات الشاعر
أمجد شعلان
تَخيّلْ …
حد فينا يموت !!
وينزف من عيار فالت
فنطلع ع القرافة إتنين
ونترحّم على التالت
نخاف م الجاي
ونتكلم عن الأحداث
وعن وجع الفراق للناس
وعن قلبي المٌتيّم بيك
تَخيّلْ
إني أموت قبليك !!
تتُوه بعدي
وأثّر فيك
ودمع عينيك ..
يغرّق نعشنا الجاني
فتطلع ع القرافة وحيد
وتترحّم على التانى
تخاف م الجاي
وتتكلم عن الأحداث
وعن وجع الفراق للناس
وتحزن إني مش هنعِيِك
تَخيّلْ
وانتَ وحداني
وقاعد تبكي ع القهوة
يجيلك أزمه على سهوة
تموت وتلاقي وسط الناس
مفيش
ولا حد يبكي عليك .. !!
كلمات الشاعر
أمجد شعلان
Amjad Shaalan
رفعت للتصميم
