صحوا الضمير ؟!
كلمات الشاعرة
وفاء يوسف
صحوا الضمير ؟!
،،،،،،،،،،،،،،،،،،،،
صحوا الضمير ؟!
الرحمة ماتت
و الوفا أصبح ضرير
صوت الأمل مدبوح
و الفجر جاي مجروح
الدنيا فارغه و ساقيانا مرارها
القلب الابيض دايساه النعال
كماشة عاصرانه ب غرامها
و حاضنة مطففين الميزان
العمر مفروط ع السكك
ويا الخريف راح اتشبك
من قبل حتى ما يبتدي
أصبح عجوز
و ان تفتحله الحياة من تاني باب
يمكن يجوز
لكن أكيد عمره ما يرجع يوم شباب
الفرحة لو يوم قربت
م القلب تقتلها الدموع
إلا الألم راكن متبت في الضلوع
كل السكك أضداد
رايح و جاي نهار و ليل
فاسعى يا عبد و توب
خليك كما أيوب
و امشي ف طريق الله
ب الكلمة لو يوم تقدروا
صحوا ضمير الكون
خلوا الثواني حياة
كل الوجود فاني
الأرض أمي و البقاء لله
كلمات الشاعرة
وفاء يوسف
رفعت للتصميم
