الشاعر عصام سامي ناجي يكتب مستني

مستني

أنا صدقني مستني
ومش هاكتب ولا أغني
عشان إنسان ومش آلة
باعيش في اليوم ميتين حاله
وأحس بإنى مش عايش
هموم الدنيا جوايا
وأحزاني لها حكاية
وقلبي للأسف بايش !

****
أن وجع العروبة الدامي
باوزع ع البشر أحلامي
وقلبي لليتامى رغيف
في وقت البعض ما توسخ
فضلت نضيف !!!!!!

****
أنا رافض أكون دمية
و أكون ألعوبة
أكون كلمة للضلال مكتوبة
ولا عمري هنافق
عشان سبوبة
****
عصام سامي ناجي